युवकांच्या कल्याणार्थ प्रामाणिकपणे काम करणारी एकमेव संघटना | व्यसनमुक्त सदाचारी युवक हाच खरा समाजसुधारक

व्यसनमुक्त युवक संघ महाराष्ट्र

भारतीय स्वातंत्र्याचा सुवर्ण महोत्सव साजरा होत असताना युवकांच्या व्यसनांच्या दुर्बलतेचा व मानसिक पारतंत्र्याचा विचार आला व या गुलामीतुन तरूण मुक्त व्हावेत या विचाराने दि. १५ ऑगस्ट १९९६ रोजी भादे ता. खंडाळा जि. सातारा येथील कीर्तनात गुरूवर्य बंडातात्या कराडकर यांनी हे विचार प्रगट केले व मुलांना अवाहन केले. कदाचित एकही तरूण प्रवृत्त होणे शक्य नाही असे वाटत असतानाच ३० मुलांची नावे मिळाली व आश्चर्य वाटले.

आपण मार्गदर्शन केल्यास तरूण मुले सहज बदलतील व व्यसनमुक्त होतील याची खात्री वाटली व तेथुन पुढे प्रत्येक कीर्तनात हा प्रचार चालू ठेवला. या प्रचारात असा अनुभव आला की अनेक वर्ष दारूसारखे भयंकर व्यसन असणारी माणसे सुध्दा व्यसनांपासून परावृत्त होतात हेच काम सांघिकपणे केल्यास चांगला प्रतिसाद मिळेल व बहुसंख्य तरूण व्यसनमुक्त होतील हा विश्वास वाटल्याने अशा मुलांची संघटना तयार करण्याचे ध्येय बाळगले.

अधिक...

सूचना फलक

युवकांसाठी प्रतापी संस्कार सोहळा
व्यसनमुक्त युवक संघ महाराष्ट्र या संस्थेतर्फे " धारातीर्थ नेसरी " जि. कोल्हापूर येथे शुक्रवार दि. १० मे २०१९ ते मंगळवार दि. १४ मे २०१९ या कालावधीमध्ये युवकांसाठी प्रतापी संस्कार सोहळा आयोजित करणेत आला आहे सदर सोहळ्यात युवकमित्र ह.भ.प. बंडा तात्या कराडकर, ह.भ.प.ज्ञानेश्वर माउली झोल , ह.भ.प. योगीराज महाराज गोसावी, ह.भ.प वैभव महाराज राक्षे, ह.भ.प. गोपीनाथ महाराज बानगुडे, श्री.धैर्यशील देशमुख, श्री. विलासबाबा जवळ, श्री.तानाजी पांडुळे, श्री. प्रमोद भापकर, प्रा. धनंजय देशमुख, श्री. सुबोध दादा, श्री. बापूसाहेब जगताप, श्री. जगन्नाथ शिंदे, प्रा. शिवाजी जाधव, प्रा. सागर पवार प्रा. मारुती शेळके, प्रा. अच्युत शिंदे, श्री. सचिनजी पवार हे मान्यवर मार्गदर्शन करणार आहेत. सदर सोहळ्यात सहभागी होणेसाठी संपर्क पर्यायावर क्लिक करून संघटनेच्या राज्य कार्यकारिणीच्या आपल्या नजीकच्या पदाधिकाऱ्यांशी संपर्क साधावा.

बातम्या

व्यसनमुक्त युवक संघ, महाराष्ट्र, प्रणीत महिला आघाडी तर्फे मंगळवार दिनांक २१ मे ते गुरुवार दिनांक २३ मे २०१९ दरम्यान "युवतींसाठी भव्य प्रतापी संस्कार सोहळा "आयोजित केला आहे, तरी या संमेलनात हजारोच्या संख्येने सहभागी व्हावे ही विनंती. स्थळ : जिजाऊ प्रशाला मु. पो. जेजुरी, ता. पुरंदर जि. पुणे